...संपले

-
क्षणी ज्या भक्तातील या, माणूसपण संपले
गाभाऱ्यातल्या मूर्तीमधले, देवपण संपले |

चालीरीती धर्म जाती, थोतांड सारे माजले
दिले झुगारून जोखडांना, दडपण संपले |

असहाय्य गोरे बनले, अन्यायी काळे माजले
पेटून तरी कसे उठावे, सरपण संपले |

वास्तवाची धग अन खोटे जग, मन करपले
काय करावे कसे सांगावे, शब्द पण संपले |

प्रेमळ नजर नेहमीची, आज अनोळखी भासली
वाटले जणू घराचे माझ्या, घरपण संपले |
-प्रणव