अजूनही ती तशीच आहे...
पहिल्या प्रेमाची गोड आठवण, अजूनही ती तशीच आहे
माझिया मनातली हळवी जागा, अजूनही ती तशीच आहे |
अथांग सागर,अस्ताचा सूर्य साक्षी, अबोल तू-मी, दोन पक्षी
संध्याकाळ कोरलेली मनावर, अजूनही ती तशीच आहे |
ह्रुदयी ताल, श्वासास लय, अनवट सूर, गंध सर्वदूर
रात्री फुललेली धुंद रातराणी, अजूनही ती तशीच आहे |
असेल शुभ्र तुझ्यापरिस चांदणे, माहीत नसे त्यास गाणे
पौर्णिमेच्या रातीची तुझी मैफिल, अजूनही ती तशीच आहे |
कितीक रात्री सरून गेल्या, दिवसही आता तसे न उरले
मनातील तिची अनावर ओढ, अजूनही ती तशीच आहे |
किती आठवणी अपुऱ्या उपमा, एक अवर्णनीय प्रतिमा
केसात माळून मोगऱ्याची कळी, अजूनही ती तशीच आहे |
आठवणींची पुरचुंडी बांधता, एकही राहू नये बघता
अचानक ती ओझरती दिसली, अजूनही ती तशीच आहे |
-प्रणव
3 Comments:
सुरेख गझल.
February 09, 2006
dhanyavaad!
aapalyala ya blog baddal kase samajle? mi ya blogchi mahiti kuthe dileli nahiye...
February 09, 2006
http://www.orkut.com/CommMsgs.aspx?cmm=826350&tid=2446743852368352365
February 24, 2008
Post a Comment
<< Home